اُردو شاعری سے منتخب کردہ

ہمارے شہر میں اترا کمال کا موسم

وہ اک دعا میری، جو نامراد لوٹ آئی

زباں سے روٹھ گیا پھر سوال کا موسم

بہت دنوں سے میرے نیم وا دریچوں میں

ٹھہر گیا ہے تمہارے خیال کا موسم

جو بے یقیں ہو بہاریں اجڑ بھی سکتی ہیں

تو آ کے دیکھ لے میرے زوال کا موسم

محبتیں بھی تیری دھوپ چھاؤں جیسی ہیں

کبھی یہ ہجر، کبھی یہ وصال کا موسم

کوئ ملا ہی نہیں جس کو سونپتے محسنؔ

ہم اپنے خواب کی خوشبو، خیال کا موسم

محسن نقوی

۔۔۔۔۔۔۔۔۔۔۔۔۔۔۔۔۔۔

خیال و خواب ہوا برگ و بار کا موسم 

بچھڑ گیا تری صورت بہار کا موسم 

کئی رتوں سے مرے نیم وا دریچوں میں 

ٹھہر گیا ہے ترے انتظار کا موسم 

وہ نرم لہجے میں کچھ تو کہے کہ لوٹ آئے 

سماعتوں کی زمیں پر پھوار کا موسم 

پیام آیا ہے پھر ایک سرو قامت کا 

مرے وجود کو کھینچے ہے دار کا موسم 

وہ آگ ہے کہ مری پور پور جلتی ہے 

مرے بدن کو ملا ہے چنار کا موسم 

رفاقتوں کے نئے خواب خوش نما ہیں مگر 

گزر چکا ہے ترے اعتبار کا موسم 

ہوا چلی تو نئی بارشیں بھی ساتھ آئیں 

زمیں کے چہرے پہ آیا نکھار کا موسم 

وہ میرا نام لیے جائے اور میں اس کا نام 

لہو میں گونج رہا ہے پکار کا موسم 

قدم رکھے مری خوشبو کہ گھر کو لوٹ آئے 

کوئی بتائے مجھے کوئے یار کا موسم 

وہ روز آ کے مجھے اپنا پیار پہنائے 

مرا غرور ہے بیلے کے ہار کا موسم 

ترے طریق محبت پہ بارہا سوچا 

یہ جبر تھا کہ ترے اختیار کا موسم

پروین شاکر

۔۔۔۔۔۔۔۔۔۔۔۔۔۔۔۔۔۔۔

روِش روِش ہے وہی اِنتظار کا موسم 

نہیں ہے کوئی بھی موسم، بہار کا موسم 

گراں ہے دل پہ غمِ روزگار کا موسم 

ہے آزمائشِ حُسنِ نِگار کا موسم 

خوشا نظارۂ رُخسارِ یار کی ساعت 

خوشا قرارِ دلِ بے قرار کا موسم 

حدیثِ بادہ و ساقی نہیں تو کِس مصرف 

حرام ابرِ سرِ کوہسار کا موسم 

نصیبِ صحبتِ یاراں نہیں تو کیا کیجے 

یہ رقصِ سایۂ سرو و چنار کا موسم 

یہ دل کے داغ تو دِکھتے تھے یوں بھی، پر کم کم 

کچھ اب کے اور ہے ہجرانِ یار کا موسم 

یہی جنوں کا، یہی طوق و دار کا موسم 

یہی ہے جبر، یہی اِختیار کا موسم 

قفس ہے بس میں تمہارے، تمہارے بس میں نہیں 

چمن میں آتشِ گُل کے نِکھار کا موسم 

صبا کی مست خرامی تہِ کمند نہیں 

اسیرِ دام نہیں ہے بہار کا موسم 

بلا سے ہم نے نہ دیکھا تو اور دیکھیں گے 

فروغِ گُلشن و صوتِ ہزار کا موسم

فیض احمد فیض 

۔۔۔۔۔۔۔۔۔۔۔۔۔۔۔۔۔۔۔

وہ ساتھ لے گیا قول و قرار کا موسم

تمام عمر ہے اب اِنتظار کا موسم

حیات اب بھی کھڑی ہے اُسی دوراہے پر

وہی ہے جبر، وہی اِختیار کا موسم

ابھی تو خُود سے ہی فارغ نہیں ہیں اہلِ جمال

ابھی کہاں دلِ اُمید وار کا موسم

اُسے بھی وعدہ فراموشی زیب دیتی ہے

ہمیں بھی راس نہیں اعتبار کا موسم

جہاں گِرے گا لہُو، پُھول بھی کِھلیں گے وہیں

کِسی کے بس میں نہیں ہے بہار کا موسم

کبھی تو لوٹ کے دِلداریوں کی رُت آئے

سدا بہار ہے مُدت سے دَار کا موسم

ہم اپنے آپ کو محسن بدل کے دیکھیں گے

بدل سکے نہ اگر کُوئے یار کا موسم

محسن بھوپالی

۔۔۔۔۔۔۔۔۔۔۔۔۔۔۔۔۔۔۔۔۔۔

دل و نگاہ کے حسن و قرار کا موسم 

وہ تیری یاد ترے انتظار کا موسم 

جھکی ہے آنکھ کئی رت جگے سمیٹے ہوئے 

چھپا ہے لمس میں کیسا خمار کا موسم 

ہمارے پیار نے عمر دوام مانگی ہے 

ہمیں قبول نہیں تھا ادھار کا موسم 

فراق لمحوں کو ہم نے حسیں بنایا ہے 

سجا کے دل میں ترے اعتبار کا موسم 

ملی نگاہ تو اک پل میں ہم پہ گزرا ہے 

کروڑ قربتوں لاکھوں قرار کا موسم 

ہمارے پیار کی یہ بھی ادا نرالی ہے 

خزاں کی رت میں منایا بہار کا موسم

شازیہ اکبر

۔۔۔۔۔۔۔۔۔۔۔۔۔۔۔۔۔۔۔۔۔۔

سنا کہ خوب ہے اس کے دیار کا موسم 

دلوں پہ چھانے لگا پھر خمار کا موسم 

کبھی کبھی تو بدن کو پتہ نہیں چلتا 

کہ باغ روح میں کب آیا پیار کا موسم 

میں اس گلاب کو ناراض کر نہیں سکتا 

بھلے ہی روٹھ کے جائے بہار کا موسم 

یہ خوف دل میں ابھرتا ہے درد کی صورت 

بدل نہ جائے کہیں اعتبار کا موسم 

میں خود بھی ملنے کو بے چین ہوں یہ جب سے سنا 

مری تلاش میں ہے انتظار کا موسم 

تمام آب و ہوا میں گلال بکھرا ہے 

کہ رنگ لایا ہے اس کے نکھار کا موسم 

کھلے ہوئے ہیں امیدوں کے پھول دل میں مگر 

گزر نہ جائے کہیں انتظار کا موسم 

بڑے مزے سے ابھی تک گزر رہے ہیں دن 

اسی طرح رہے قائم خمار کا موسم 

یہاں کبھی بھی خزاں کا گزر نہیں ہوگا 

یہاں ہمیشہ رہے گا بہار کا موسم 

سکون قلب میسر ہو خواب پورے ہوں 

کبھی تو آئے دل بے قرار کا موسم 

کسی طرح بھی نہ انکار کی ہے گنجائش 

کہ ہے عروج پہ قول و قرار کا موسم 

وہ اچھے اچھوں کو خاطر میں اب نہ لاتا ہے 

کہ ان دنوں تو ہے اس کے نکھار کا موسم

راشد انور راشد

۔۔۔۔۔۔۔۔۔۔۔۔۔۔۔۔۔۔۔۔۔۔

خزاں میں اوڑھ کے قول و قرار کا موسم 

بہار ڈھونڈ رہی ہے بہار کا موسم 

وو میرے ساتھ نہیں ہیں تو دل کے صحرا پر 

سمے بکھیر رہا ہے بہار کا موسم

فریب خود کو نا دے گا تو اور کیا دے گا 

نا راس آئے جسے اعتبار کا موسم 

تمہارے قرب کی مدھم سی اک حرارت سے 

ہے ڈھیر راکھ تلے انتظار کا موسم

حنیف ترین

۔۔۔۔۔۔۔۔۔۔۔۔۔۔۔۔۔۔۔۔۔

ﺍﺩﺍﺱ ﺍﺩﺍﺱ ﮨﮯ ﺩﻝ ﮐﮯ ﺩﯾﺎﺭ ﮐﺎ ﻣﻮﺳﻢ

ﺟﺒﮭﯽ ﻣﮩﯿﺐ ﮨﮯ ﻗﺮﺏ ﻭ ﺟﻮﺍﺭ ﮐﺎ ﻣﻮﺳﻢ

ﯾﻮﻧﮩﯽ ﻋﯿﺎﮞ ﻧﮩﯿﮟ ﺭﺥ ﺳﮯ ﻧﮑﮭﺎﺭ ﮐﺎ ﻣﻮﺳﻢ

ﺗﻤﮭﺎﺭﯼ ﺯﯾﺴﺖ ﻣﯿﮟ ﺭﻗﺼﺎﮞ ﮨﮯ ﭘﯿﺎﺭ ﮐﺎ ﻣﻮﺳﻢ

ﺑﮩﺖ ﭘﺴﻨﺪ ﮨﮯ ﻣﺠﮫ ﮐﻮ ﺑﮩﺎﺭ ﮐﺎ ﻣﻮﺳﻢ

ﻣﮕﺮ ﻓﺼﯿﺢ ﺟﻮ ﮨﮯ ﻗﺮﺏِ ﯾﺎﺭ ﮐﺎ ﻣﻮﺳﻢ

ﺯﻣﺎﻧﮧ ﺑﯿﺖ ﮔﯿﺎ، ﺩﻝ ﮐﺎ ﺍﯾﮏ ﻋﺎﻟﻢ ﮨﮯ

ﺑﺪﻝ ﮔﯿﺎ ﻣﺮﮮ ﻗﺮﺏ ﻭ ﺟﻮﺍﺭ ﮐﺎ ﻣﻮﺳﻢ

ﺑﻨﺎﻡِ ﻟﻄﻒ، ﺳﺘﻢ ﮈﮬﺎﺋﯿﮯ ﺟﮩﺎﮞ ﺗﮏ ﮨﻮ

ﮐﮧ ﺩﻝ ﭘﮧ ﮨﮯ ﺍﺑﮭﯽ ﺻﺒﺮ ﻭ ﻗﺮﺍﺭ ﮐﺎ ﻣﻮﺳﻢ

ﮨﻤﯿﮟ ﻭﻓﺎﺅﮞ ﮐﯽ ﮨﻤﺮﺍﮨﯿﺎﮞ ﻧﺼﯿﺐ ﮨﻮﺋﯿﮟ

ﮨﻤﺎﺭﮮ ﺳﺎﺗﮫ ﺭﮨﺎ ﺍﻋﺘﺒﺎﺭ ﮐﺎ ﻣﻮﺳﻢ

ﭨﮭﮩﺮ ﮔﯿﺎ ﮨﮯ ﮐﮩﯿﮟ ﻗﺎﻓﻠﮧ ﺑﮩﺎﺭﻭﮞ ﮐﺎ

ﭨﮭﮩﺮ ﮔﯿﺎ ﮨﮯ ﯾﮩﺎﮞ ﺍﻧﺘﻈﺎﺭ ﮐﺎ ﻣﻮﺳﻢ

ﺧﺰﺍﮞ ﮐﮯ ﺯﯾﺮِ ﺍﺛﺮ ﮐﺐ ﺗﻠﮏ ﺭﮨﮯ ﮔﺎ ﭼﻤﻦ

ﮐﺒﮭﯽ ﺗﻮ ﺁﺋﮯ ﮔﺎ ﺍﺱ ﭘﺮ ﺑﮩﺎﺭ ﮐﺎ ﻣﻮﺳﻢ

ﺗﻮ ﺻﺒﺮ ﻭ ﺷﮑﺮ ﮐﯽ ﮐﮭﯿﺘﯽ ﺍﮔﺎﺅﮞ ﮔﺎ ﺩﻝ ﻣﯿﮟ

ﻣﺠﮭﮯ ﻣﻼ ﺟﻮ ﮐﺒﮭﯽ ﺍﺧﺘﯿﺎﺭ ﮐﺎ ﻣﻮﺳﻢ

ﺳﻮ ﻧﻘﺪِ ﺟﺎﮞ ﮨﯽ ﺍﻧﮭﯿﮟ ﭘﯿﺶ ﮐﺮ ﺩﯾﺎ ﮨﻢ ﻧﮯ

’’ ﮨﻤﯿﮟ ﻗﺒﻮﻝ ﻧﮩﯿﮟ ﺗﮭﺎ ﺍﺩﮬﺎﺭ ﮐﺎ ﻣﻮﺳﻢ ‘‘

ﻓﺼﯿﺢ ﮐﯿﺴﮯ ﺑﺘﺎﺅﮞ ﻣﯿﮟ ﺍﭘﻨﮯ ﺩﻝ ﮐﺎ ﺣﺎﻝ

ﺑﯿﺎﻥ ﮐﯿﺴﮯ ﮨﻮ ﺍﺟﮍﮮ ﺩﯾﺎﺭ ﮐﺎ ﻣﻮﺳﻢ 

شاہد فصیح ربانی

۔۔۔۔۔۔۔۔۔۔۔۔۔

ﮐﯿﺎ ﺧﺰﺍﮞ ﮐﺎ ﻣﻮﺳﻢ ﮨﮯ ﮐﯿﺎ ﺑﮩﺎﺭ ﮐﺎ ﻣﻮﺳﻢ

ﺯﻧﺪﮔﯽ ﺟﻮ ﮨﻮﺟﺎﺋﮯ ﮨﺠﺮِ ﯾﺎﺭ ﮐﺎ ﻣﻮﺳﻢ

ﻣﻮﺳﻤﻮﮞ ﮐﯽ ﺗﺒﺪﯾﻠﯽ ﮨﮯ ﻣﺰﺍﺝ ﻣﯿﮟ ﺗﯿﺮﮮ

ﺍﻭﺭ ﻣﯿﺮﮮ ﺩﻝ ﻣﯿﮟ ﮨﮯ ﺻﺮﻑ ﭘﯿﺎﺭ ﮐﺎ ﻣﻮﺳﻢ

ﺟﺐ ﺯﻣﺎﻧﮧ ﺁﻧﮑﮭﻮﮞ ﻣﯿﮟ ﺩﮬﻮﻝ ﺟﮭﻮﻧﮑﺘﺎ ﻧﮑﻠﮯ

ﺟﯿﺖ ﮐﻮ ﺳﻤﺠﮫ ﻟﯿﻨﺎ ﺍﭘﻨﯽ ﮨﺎﺭ ﮐﺎ ﻣﻮﺳﻢ

ﺍﯾﮏ ﻟﻤﺤﮧ ﺳﻮﺗﺎ ﮨﻮﮞ ﺩﻭﺳﺮﮮ ﻣﯿﮟ ﺭﻭﺗﺎ ﮨﻮﮞ

ﮐﭧ ﺭﮨﺎ ﮨﮯ ﻣﺸﮑﻞ ﺳﮯ ﺍﻧﺘﻈﺎﺭ ﮐﺎ ﻣﻮﺳﻢ

ﮔﺮﻡ ﻟُﻮ ﯾﮧ ﮐﮩﺘﯽ ﮨﮯ ﺑﮭﻮﻝ ﺟﺎﺅ ﻣﺎﺿﯽ ﮐﻮ

ﻟﻮﭦ ﮐﺮ ﻧﮧ ﺁﺋﮯ ﮔﺎ ﺑﺮﮒ ﻭ ﺑﺎﺭ ﮐﺎ ﻣﻮﺳﻢ

ﺍﻟﺘﻔﺎﺕ ﺑﮭﯽ ﮐﻢ ﮨﮯ ﻣﺠﮫ ﺳﮯ ﺑﺎﺕ ﺑﮭﯽ ﮐﻢ ﮨﮯ

ﮐﯿﻮﮞ ﺑﺪﻝ ﮔﯿﺎ ﻣﯿﺮﮮ ﻏﻤﮕﺴﺎﺭ ﮐﺎ ﻣﻮﺳﻢ

ﺷﮩﺮ ﻣﯿﮟ ﻭﻓﺎﺅﮞ ﮐﮯ ، ﻟﻮﮒ ﺑﮯ ﻭﻓﺎ ﻧﮑﻠﮯ

ﺩﯾﮑﮭﺘﮯ ﺭﮨﮯ ﻧﺎﻇﺮؔ ﺍﻧﺘﺸﺎﺭ ﮐﺎ ﻣﻮﺳﻢ

عبد اللہ ناظر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب تو اک خواب ہوا اذنِ بیاں کا موسم

جانے کب جائے گا، یہ شورِ اذاں کاموسم

حاکم وقت ہوا، حاکمِ فطرت شاید

ان دنوں شہر میں، نافذ ہے خزاں کا موسم

حکمِ قاضی ہے کہ ماضی میں رکھا جائے ہمیں

موسمِ رفتہ رہے عمر رواں کا موسم

نمِ بادہ کا نہیں نام و نشاں اور یہاں

ہے شرر بار فقیہوں کی زباں کا موسم

کعبۂ دل پہ ہے پیرانِ حرم کی یلغار

ہائے اے پیر مغاں! تیری اماں کا موسم

بند ہیں دید کے در، وا نہیں امید کے دَر

ہے یہ دل شہر میں، خوابوں کے زیاں کا موسم

اک نہیں ہے کہ ترے لب سے سنی جاتی ہے

جانے کب آئے گا ظالم تری ہاں کا موسم

وا نہ کر بند قبا، یاں کی ہوا میں اپنے

بتِ سرمست! مسلمان ہے یاں کا موسم

رنگ سرشار نہ ہوجائے فضا تو کہنا

آئے تو مستی خونیں نفساں کا موسم

جون ایلیا

۔۔۔۔۔۔۔۔۔۔۔۔۔۔۔۔۔۔۔۔۔

کوئی موسم ہو دل میں ہے تمھاری یاد کا موسم

 کہ بدلا ہی نہیں جاناں تمھارے بعد کا موسم

نہیں تو ازما کے دیکھ لو کیسے بدلتا ہے

 تمھارے مسکرانے سے دِلِ ناشاد کا موسم

صدا تیشے سے جو نکلے ، دلِ شیریں سے اُٹھی تھی

 چمن خسرو کا تھا مگر رہا فرہاد کا موسم

پرندوں کی زباں بدلی کہیں سے ڈھونڈ لے تو بھی

 نئی طرزِ فغاں اِئے دل کہ ہے ایجاد کا موسم

رُتوں کا قاعدہ ہے وقت پہ یہ آتی جاتی ہیں

 ہمارے شہر میں رُک گیا فریاد کا موسم

کہیں سے اُس حسیں آواز کی خوشبو پکارے گی

 تو اُس کے بعد بدلے گا دلِ برباد کا موسم

قفس کے بام و در میں روشنی سی آتی جاتی ہے

 چمن میں آ گیا شاید لبِ آزاد کا موسم

نہ کوئی کام خزاں کا ہے نہ خواہش ہے بہاروں کی

 ہمارے ساتھ ہے امجد کسی کی یاد کا موسم

امجد اسلام امجد

♥❤♥❤♥❤♥❤♡