طنزو مزاج ( سوشل میڈیا سے انتخاب)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک عورت غصے میں بپھری نادرا آفس داخل ہوئی، کاؤنٹر پر پہنچتے ہی اس نے پرس سے اپنا شناختی کارڈ میز پر پٹخا اور تقریباً چلاتے ہوئے بولی کہ "آپ نے اس پر میری ازدواجی حثیت بیوہ لکھ دی ہے، جبکہ یہ دیکھیں( ساتھ کھڑے نحیف سے شخص کی طرف اشارہ کرتےہوئے) میرا خاوند زندہ سلامت کھڑا ہے، میرا کارڈ ابھی کے ابھی ٹھیک کریں" کاؤنٹر پر بیٹھے شخص نے اطمینان سے خاتون کی ساری بات سننے کے بعد بنا کوئی تاثر دیے دراز سے پستول نکالی اور خاتون کے خاوند کو گولی مارتے ہوئے میز سے کارڈ اٹھا کر ہکا بکا کھڑی خاتون کو دیتے ہوئے انتہائی نرم لہجے میں کہا "لیں محترمہ آپ کا کارڈ ٹھیک ہو گیا۔ ہور کوئی ساڈے لائق"
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی نویلی دولہن کو پریشان دیکھ کر دولہا میاں نے استفسار کیا، "کیا ہوا میری زوہرا جبیں؟" دولہن نے اداسی کو مزید گہرا کرتے ہوئے ٹھنڈی آہ بھری اور کہا "شادی سے پہلے میری ایک سہیلی تھی جس کے ساتھ بچپن سے لڑکپن اور لڑکپن سے جوانی تک میں کبھی جدا نہیں ہوئی اب شادی کے بعد اس سے دور رہنا میرے لیے دشوار ہو رہا ہے" پوری بات سننے کے بعد دولہے میاں بنا کوئی جواب دیے کمرے سے نکل گے۔ رات تک جب ان کی واپسی نہ ہوئی تو دولہن کو پریشانی لاحق ہوئی کہ کہیں میری بات سے خفاء ہو کر کہیں چلے تو نہیں گے، قریب تھا کہ وسوسوں سے گھبرا کر وہ رونے لگتی کہ اچانک ڈور بیل بجی، دولہن نے بلاتامل دروازہ کھولا تو سامنے اس کی سہیلی سرخ جوڑے میں لپٹی کھڑی تھی جبک ساتھ ہی اس کا خاوند کھڑا مسکرا رہا تھا ، دولہن کی حیرانی کو بھانپتے ہوئے اس کی سہیلی بولی کہ "مجھے تمہارے شوہر نے تمہاری اداسی کے بارے بتایا سچ تو یہ ہے کہ میرا بھی یہی حال ہے لہذا ہم دونوں کو ملانے کے لیے تمہارے شوہر جو اب ہمارا شوہر ہے نے مجھ سے شادی کر لی" ششدر کھڑی لڑکی نے جب اپنے خاوند کی طرف دیکھا تو خاوند نے اس کے کان کے قریب جھکتے ہوئے کہا "ہور کوئی ساڈے لائق"
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اساتذہ روتے چلاتے وزیر تعلیم کے دفتر داخل ہوئے اور منمناتے ہوئے عرض کی "حضور کا اقبال بلند ہو ہم سکول میں اکیلے استاد ہیں ڈاک سے لے کر صفائی اور سکول کی دیکھ بھال سے لےکر پڑھائی تک سب کچھ ہمیں ہی دیکھنا پڑھتا، عالی جاہ!
ہم پر رحم کیا جائے، ہمارا مسئلہ حل ہو جائے تو خاکساران تادمِ مرگ مشکور و ممنون رہیں گے" وزیر تعلیم نے ساری بات سننے کے بعد مسکراتے ہوئے فون اٹھایا تو اساتذہ کے مرجھائے چہرے خوشی سے کھل گے دوسری طرف سے "جی سر" سننے کے بعد وزیر تعلیم گویا ہوئے کہ "جتنے سکولز میں سنگل ٹیچرز ہیں سب کو پیف کے حوالے اور اس میں موجود اساتذہ کو اللّہ دے حوالے کر دیو" فون منقطع ہونے کے بعد سکتے میں کھڑے اساتذہ سے وزیر تعلیم نے مخاطب ہوتے ہوئے کہا "ہور کوئی ساڈے لائق"
★★★★★
